Археалагічныя комплексы пасадаў Полацка IX – XVIII стст. (па выніках раскопак 2004 – 2012 гг.)
Описание
Манаграфія выканана ў межах задання «Сацыяльная тапаграфія, гаспадарка, культура і антрапалогія насельніцтва Полацка і Полацкай зямлі ў IX – XVIII стст.» дзяржаўнай праграмы навуковых даследаванняў «Гуманітарныя навукі як фактар развіцця беларускага грамадства і дзяржаўнай ідэалогіі» на 2011 – 2015 гг. у падпраграме № 1 «Гісторыя, духоўная і матэрыяльная культура беларускага народа» ДПНД («Гісторыя, культура, грамадства, дзяржава»). Комплексна прадстаўлены новыя археалагічныя крыніцы IX–XVIII стст., здабытыя падчас палявых экспедыцый Полацкага дзяржаўнага ўніверсітэта пад кіраўніцтвам аўтара з 2004 па 2012 гады на тэрыторыі горадаўтваральных полацкіх пасадаў – Вялікага, Запалоцкага і Экіманскага. Прадстаўленыя матэрыялы могуць быць выкарыстаны для рэканструкцыі развіцця рамёстваў, гандлёвых і культурных сувязяў Полацка, вызначэння асаблівасці гістарычнай тапаграфіі горада і ўзроўню развіцця яго матэрыяльнай культуры. Прадметам даследавання з’яўляюцца археалагічныя комплексы, выяўленыя падчас правядзення археалагічных раскопак. Выданне разлічана на прафесійных археолагаў, гісторыкаў, студэнтаў вышэйшых навучальных устаноў гістарычных спецыяльнасцей, краязнаўцаў і ўсіх, хто цікавіцца вывучэннем гістарычнага мінулага самага старажытнага горада на тэрыторыі Беларусі.
